Home  Letėrsi Poezi Mall prinderor- Alida Zeneli
|
|
Mall prinderor- Alida Zeneli |
|
ALIDA ZENELI
Poezi
Mall prindëror
Sikur të isha sërish e vogël
në djep të tundesha andej këndej.
Me ninullat e ëmbëla të nënës
nëpër ëndërra të kërcej.
Në krahët tuaj do lumturohesha
si dikur do të gëzohesha shumë.
T`mos dija fjalë, veç bëlbëzimin
ma, ma-ma e ba, ba-ba. Larg jush më mundon malli
shterrohet syri, m`hepohet shpirti.
Pa zbardhur dita afrohet nata…
ah, e vogël sërish të isha!
02 Nëntor, 2001
Michigan
Në atë përvjetor
S`më dërgoi askush kartolinë si dikur,
mblodha të vjetrat i vara në murë.
Lexoja çdo çast atë ditë
më ngjante se m’i dërguat për këtë vitë.
Dhe dhurata s’dërguat në këtë përvjetor,
kujtova të vjetrat, mallin më shumë!...
Dridhej dita, a dridhesha unë!?...
09 Janar, 2002
Michigan
Era dhe ligu
Një gjethe e porsa rënë nga pema
ndërsa gëzonte mbi bar me të tjerat
ngadal e veçoi, më pas lart e ngriti era.
Lakohej, përdridhej e hidhej
si më e preferuara prej erës,
tretej, thermohej e shkrihej.
Kështu dhe i ligu, si era huton
prej shoqeve të miturën ngadal veçon.
Në krahët e tij - lumturi e gënjeshtërt.
Dhe pak ngapak, a shpejt në çast
në grumbullin e dëshpëruar anës rrugës
si era gjethen, lëshon më pas.
Tetor, 2002
Michigan
Një poeti
E vodhe iden time
krijove një poezi të shpejtë
Në biseda me shokët
shumëkush e quajti: perl.
Nuk u zemrova me ty
nuk do të zemrohem kurrë.
Bën sikur largohesh
pran më don gjithkund.
Mendja jote shterp-femërore
harbuar me timin mashkullor
Poezi të bukura krijoka
shokët perla j’u thonë.
( Botuar në gazeten shqiptaro-amerikane “ Illyria “, New York , 28 tetor, 2005 )
|
|